بڕیارى یەک ساڵ لێخۆشبوون لە کرێى ساڵانە و شەش مانگ لە ڕسووماتى خاشاکى هەموو ئەو دوکانانەی بازاڕی لەنگەی هەولێر درا

2024-03-28

بەپێی ڕاگەیەندراوێکی پارێزگای هەولێر، بڕیارى یەک ساڵ لێخۆشبوون لە کرێى ساڵانە و شەش مانگ لە ڕسووماتى خاشاکى هەموو ئەو دوکانانەی بازاڕی لەنگەی هەولێر درا، کە بەهۆى ڕووداوى ئاگرکەوتنەوەکە زیانیان بەرکەوتووە.
بڕیارەکە 166 دوکان دەگرێتەوە، کە سەرجەمیان گرێبەستی شارەوانییان هەیە و بەپێی قسەی نەبەز عەبدولحەمید، قائیمقامی هەولێر، کە بۆ موڵک نیوز قسەی کردووە، سەرجەم دوکانەکانیش لەسەر ئەرکی حکومەت نۆژەن دەکرێنەوە.