ژمارەی ئەو خانووانەی لە لافاوەکەی دهۆک زیانیان بەرکەوتبوو گەیشتە چەند

2024-03-28

بەرگریی شارستانیی دهۆک ئاشکرای دەکات، لەو لافاوەی هەفتەی پێشوو شاری دهۆکی گرتەوە ١٢٤٠  خانوو زیانیان بەرکەوتووە و ١٧ـیان بە تەواوەتی ڕووخاون.
بێوار عەبدولعەزیز، وتەبێژی بەرگریی شارستانیی دهۆک بە موڵک نیوزی ڕاگەیاند، ٤٠ مارکێت و ٢٠٠ ئۆتۆمبێلیش زیانیان بەرکەوتووە.
وتیشی: "سێ کەس بەهۆی لافاوەکەوە گیانیان لەدەست داوە و ١٣ـی دیکەش بریندار بوون."
دوای ئەو لافاوە، پارێزگاری دهۆک ڕایگەیاند، بە فەرمانی مەسعود بارزانی، سەرۆکی پارتی دیموکراتی کوردستان ١١٧ شوقە بۆ زیانلێکەوتووان کڕدراوە.