بەهۆی هەڵبژاردنی شارەوانییەکانی تورکیاوە، تا ئێستا بازاڕی خانووبەرەی تورکیا بە سستی ماوەتەوە.

2024-04-20

بەهۆی هەڵبژاردنی شارەوانییەکانی تورکیاوە، تا ئێستا تای هەڵبژاردن جوڵەی بازاڕی خانووبەرەی تورکیای بەرنەداوە و هێشتا بە سستی ماوەتەوە.
فاروق قەرەداغی، بەڕێوەبەری کۆمپانیای ئاسمان بۆ کڕینی خانووبەرە لە وڵاتی تورکیا بە موڵک نیوزی ڕاگەیاند، کاتی بانگەشەی هەڵبژاردن و ئێستاش کە هەڵبژاردن تەواو بووە کاریگەریی هەڵبژاردنەکە بەسەر بازاڕی خانووبەرەوە ماوە و هێشتا جوڵەی پێشتری تێنەکەوتووەتەوە.
وتیشی: "ئەو هەڵبژاردنە نرخی موڵک و خانووبەرەی لە ١٠٪ تا ٢٠٪ دابەزاندبوو بەپێی شوێن و پارێزگا و شارە جیاوازەکانی تورکیا".
ئەو شارەزایەی خانووبەرەی تورکیا پێشبینی کرد هێواش هێواش بازاڕی خانووبەرەی تورکیا جوڵەی تێبکەوێتەوە، بەتایبەت دوای هەڵبژاردنی شارەوانییەکان تا پێجن ساڵی دیکە هاووڵاتییان بەرچاویان ڕوونە.