مانگی ڕابردوو عێراق لە پلەی حەوتەمی کڕیارانی خانووبەرەی تورکیادایە

2024-06-02

پەیمانگای ئاماری تورکیا ڕایگەیاند، عێراقییەکان لە پلەی حەوتەمی ئەو وڵاتانەدان لە مانگی نیسانی ڕابردوودا خانووبەرەی تورکیایان کڕیوە.
پەیمانگاکە ڕایگەیاندووە، فرۆشی خانوو بە ڕێژەی 50.3% کەمی کردووە، بە بەراورد لەگەڵ مانگی نیسانی 2023.
زۆربەی خانووە کڕدراوەکان لە ئەنتاڵیا 454 ئەستەنبووڵ 407 و مێرسین 149 خانوون.
ڕاپۆرتەکە ئاشکرای دەکات، ڕووسەکان لە پێشەنگی لیستی کڕیارە بیانییەکانی کڕینی خانووبەرەی تورکیان لە مانگی نیساندا و 293 خانوویان بەدەستهێناوە. ئێرانییەکان بە 117 خانوو پلەی دووەمیان گرتووە، ئۆکرانیا 91 خانوو، ئەڵمانیا 70 خانوو کازاخستان 57 خانوو، ئازەربیجان 54 خانوو، و عێراقی 42 خانوویان کڕیوە.