عەقاراتێكی هەولێر: چەند شوێنێكی زەوییەكانی گەڕەگی گرد جوتیار بازاڕی باشە

2024-06-26

كۆمپانیایەكی عەقارات لە هەولێر رایدەگەیەنێت، چەند بەشێكی زەوییەكانی گرد جوتیار بازاڕیان باشە، وردەكاری كەمترین و بەرزترین نرخی پارچە زەوییەكانیش بۆ موڵك نیوز دەخاتەڕوو.

سەردار عەبدوڵا لە کۆمپانیای عەقاراتی هۆنیا لە هەولێر، بە موڵک نیوزی ڕاگەیاند، ژمارەی پارچە زەویەکانی گەڕەکی گرد جوتیار بە ڕووبەری 200 مەترین، لە 14 هەزار پارچە زەوی پێكهاتووەو لە جۆری تاپۆن.

سەبارەت بە نرخی زەویەکان، سەردار عەبدوڵا وتی، نرخەكان  لە 25 هەزار دۆلارەوە دەستپێدەکات بۆ 100 هەزار دۆلار، زەویەکان تاپۆیەو ئەوەی بیكڕێ راستەوخۆ بەناوی خۆی دەكات.

ئاماژەی بەوەشكرد، ئەو پارچە زەوییانەی دەكەونە نزیك 120 و 150 مەتری، کورانی عەنکاوەو لوبنانی، نزیك شەقامی بەحرکەو دهۆک بازاڕی خۆی هەیەو پارەی باش دەکەن.