نرخى خانووبه‌ره‌ له‌ وڵاتى یۆنان به‌رزبۆته‌وه‌

2024-07-07

لە ساڵی 2024 نرخی خانووبەرە لە یۆنان گەیشتووەتە نزیکەی 492 هەزار دۆلار، هاوکات تێکڕای نرخی شوقەیەک لەم وڵاتەدا بە 196 هەزار دۆلار مەزەندە دەکرێت و تێچووی هەر مەترێکی چوارگۆشەی موڵکەکە بۆ کڕیاران 246 دۆلارە.

گەشەیەکی بەرچاو لە نیشتەجێبوون لە یۆنان بە کڕینی موڵک و کۆمپانیا لە ساڵانی ڕابردوودا بەدی کراوە. کە هۆکارەکەی دەتوانێ گەشەی ئابووری و زیادبوونی خواست لەلایەن کڕیارە ناوخۆییەکان و وەبەرهێنەرانی بیانی بۆ بەدەستهێنانی ڤیزای زێڕین و مانەوە لە یۆنان لە ڕێگەی کڕینی موڵکەوە، كه‌ له‌و ڕێگه‌یه‌وه‌ یۆنان ئیقامه‌ى 5 ساڵى ده‌دات به‌ كه‌سى كڕیار.

بۆ ئاماژە کردن بە  هەرزانترین و گرانترین ناوچە بۆ کڕینی موڵک لە یۆنان،  لە ساڵی 2024دا بەرزترین ڕێژەی بازاڕی خانووبەرە لە یۆنان بۆ دوورگە بەناوبانگەکانی دەریای ئیجە تەرخانکراوە. ئەم دوورگانە شوێنە گەشتیارییە بەناوبانگەکانی وەک میکۆنۆس و سان تۆرینی لەخۆدەگرن. تێکڕای تێچووی کڕینی خانووبەرە لە یۆنان (دوورگەی ئیجە) 3008 یۆرۆیە ( 7 هەزار دۆلار) بۆ هەر مەتر چوارگۆشەیەک.

نرخی یەکەیەکی نیشتەجێبوون بە ڕووبەری 200 مەتر چوارگۆشە، نزیکەی 600 هەزار یۆرۆیە و شوقەیەکی 75 مەتر چوارگۆشە بە نزیکەی 225 هەزار یۆرۆ.

لە ناوچەی ئەتیک کە شاری گەورەی ئەسینای پایتەختی یۆنان لێیە، نرخی خانووبەرە لە پلەی دووەمدایە. خانوویەکی قەبارەی مامناوەند لەم ناوچەیەدا نزیکەی 575 هەزار یۆرۆیە، هەروەها شوقەیەکی تێکڕای 75 مەتر چوارگۆشە لە ئەسینای پایتەخت نزیکەی 215 هەزار یۆرۆیە.

دوورگەکانی ئایۆنی لە پلەی سێیەمی بەرزترین نرخی خانووبەرە لە یۆنان، لە ساڵی 2024دا نرخی نزیکەی خانوویەکی 200 مەتر چوارگۆشە لەم دوورگانەدا نزیکەی 450 هەزار یۆرۆ دەبێت، شوقەیەکی 75 مەتر چوارگۆشە لە دەوروبەری 170  هەزار یۆرۆ.

هەروەها شاری تێسالی بە ناوچەیەک ناسراوە کە نرخی خانووبەرەی گونجاوترە و تێکڕای نرخی هەر مەتر چوارگۆشەیەک 1210 یۆرۆیە، لە ئەنجامدا نرخی شوقەیەکی قەبارە مامناوەند لەم ناوچەیەدا نزیکەی 90 هەزار یۆرۆیە، خانوویەکی تێکڕا بە نزیکەی 250 هەزار یۆرۆ مەزەندە دەکرێت.