شاره‌وانی سلێمانی له باره‌ی دابه‌شكردنی زه‌وی روونكردنه‌وه ده‌دات
2024-08-01
لیژنه‌ی دابه‌شكردنی زه‌وی له سه‌رۆكایه‌تی شارەوانی سلێمانی داوا لەو فەرمانبەرانە دەکات کە دڵنیانین کە بە سوودمەند هەژماردەکرێن یان نا، سەردانیان بکەن بۆ ئەوەی بەر لە پڕکردنەوەی فۆڕمەکە روونکردنەوەیان پێ بدرێت.
تەلار نەجات، سەرۆکى لیژنەی دابەشکردنى زەویی لە سه‌رۆكایه‌تی شارەوانى سلێمانی رایگەیاند، بەشێک لەو فەرمانبەرانەى قەرەبووکراونەتەوە یاخود هەر دۆخێکى تایبەتیان هەیە، دەتوانن سەردانى فەرمانگەى هەرەوەزى بکەن و دڵنیابن لەوەى ناویان لەناو سوودمەندانى وەرگرتنى زەوى هەیە، یاخود دەتوانن فۆڕمەکە پڕبکەنەوە.
وتیشى: "لەکۆتایی فۆڕمەکەدا بەشێک هەیە و فەرمانبەر دەتوانێت هەر دۆخێکى تایبەتى هەبوو ئاماژەى پێبکات و فۆڕمەکە پڕبکاتەوە، دواتر لیژنەیەک بڕیار لەسەر دۆسیەکەى دەدەن و لەو کاتەدا فەرمانبەرەکە تووشى لێپێچینەوە نابێت".
