ملیۆنێک و 500 هەزار خانووی تورکیا مەترسییان لەسەرە

2024-08-18

موراد کوروم، وەزیری ژینگەی تورکیا لە لێدوانێکیدا جەختی لەوە کردەوە، بۆیان دەرکەوتووە کە نزیکەی یەک ملیۆن و 500 هەزار خانوو مەترسییان لەسەرە. هەروەها  600 هەزار خانوویان دەستنیشان کردووە کە لە یەکەم خولەکی بوومەلەرزەدا مەترسیی داڕمانیان لەسەرە. 
تورکیا بە درێژایی مێژوو تووشی ژمارەیەک بومەلەرزەی وێرانکەر بووە، دوایینیان دوو بوومەلەرزە کارەساتبارەکەی مانگی شوباتی 2023 بوو لە باشووری تورکیا بە گوڕی 7.8 و 7.5 بە پێوەری ڕێختەر، کە بووە هۆی گیانلەدەستدانی زیاتر لە 53 هەزار کەس لە تورکیا و باکووری کوردستان. 
شارەزایان هۆکاری زۆری ژمارەی مردووان دەگەڕێننەوە بۆ خراپیی بیناسازی لە وڵاتەکە.