وەبەرهێنانی بیانی لە کەرتی خانووبەرەی ئەبوزەبیدا 225% زیادی کردووە

2024-08-20

دەزگای ڕێکخستنی کەرتی خانووبەرە لە ئەبوزەبی ڕایگەیاندووە، گەشەی وەبەرهێنانی ڕاستەوخۆی بیانی لە بازاڕی خانووبەرەی میرنشینەکەدا بە ڕێژەی 225% لە ماوەی نیوەی یەکەمی ساڵی 2024 بە بەراورد بە هەمان ماوەی ساڵی 2023 بەرزبووەتەوە.
ئەو بیانیانەی لە ئەبوزەبی وەبەرهێنانیان لەو کەرتەدا کردووە خەڵکی ویلایەتە یەکگرتووەکانی ئەمەریکا، بەریتانیا، چین، کازاخستان و ڕووسیا و چەند وڵاتێکی تر بوون.
دەزگاکە پێشبینیی کردووە ئەو پێشکەوتنە لەو کەرتەدا لە نیوەی دووەمی ئەمساڵیشدا بەردەوام بێت.