نرخی یەکەکانی سلاڤا سیتی دوو بەرزبوونەتەوە

2024-08-27

کۆمپانیای ڕەوت، کە ئەزموونی کارکردنی لە سلاڤا سیتی و مینی سلاڤادا هەیە ئێستا سەرقاڵی تەواوکردنی پڕۆژەی وەرین سیتییە، کە ناوەکەی بۆ سلاڤا سیتی دوو گۆڕاوە.
کۆمپانیاکە ساڵی ٢٠١١ دامەزراوە و سەر بە گرووپی کۆمپانیاکانی سلاڤایە.
کۆمپانیای ڕەوت پڕۆژەکەی لە کۆمپانیای ڕەنج وەرگرتووەتەوە، جگە لە خانووە ٢٥٠ مەترییەکان کە ٩٠ خانووی بە شێوەی هەڕەمەکی دروستکرابوون، ئەوەکانی دیکە هیچی نەکرابوو، کۆمپانیای ڕەوت هەم ئەو خانووانەی نۆژەن کردەوە هەموو ٢٩٠ خانووە ٢٥٠ مەترییەکەی تەواو کردووە و ڕادەستی خاوەنەکانیان کراون و ئێستا ئەو بەشەی ژیانی تێدایە.
خانووی ٤٠٠ مەتری کە ١٣٠ خانوو بوون و ٥٠٠ مەترییەکان کە ١٢٠ خانوو بوون هەر زەوی بوون و ئێستا ئەوانیش لە قۆناغی فینیشینگدان.
پێشتر نرخی خانووە ٢٥٠ مەترییەکان تا ٥٠ هەزار دۆلار بوون، ئێستا بوون بە ١١٠ تا ١٢٠ هەزار دۆلار. ٤٠٠ مەتری و ٥٠٠ مەترییەکانیش پێشتر بە ١١٠ هەزار دۆلار بوون و ئێستا بە ٢٥٠ هەزار دۆلارن.