گرانترین موڵکی بازرگانی لە سلێمانی کەوتۆتە شەقامی سالمەوە

2024-09-04

لەناو شاری سلێمانی نرخی مەترێکی موڵکی بازرگانی لەنێوان ١٧٠٠ دۆلار بۆ ٥٠٠٠ دۆلاردایە و شەقامی سالمیش گرانترین موڵکی بازرگانیی تێدایە.
بەپێی بەدواداچوونێکی موڵک داتا، لە شەقامی شەست مەتریی سلێمانی نرخی مەترێک موڵکی بازرگانیی لەنێوان ١٧٠٠ بۆ ٤٥٠٠ دۆلاردایە، لە سی مەترسییەکە لەنێوان ٢٠٠٠ تا ٣٥٠٠ دۆلاردایە، لە شەقامی بەختیاری لەنێوان ٢٥٠٠ بۆ ٣٠٠٠ دۆلاردایە، لە گەڕەکی تووی مەلیک لەنێوان ٢٧٠٠ بۆ ٣٨٠٠ دۆلاردایە و لە شەقامی سالمیش نرخی مەترێک موڵکی بازرگانی لەنێوان ٣٥٠٠ بۆ ٥٠٠٠ دۆلاردایە.
ئەردەڵان یاروەیس، بەڕێوەبەری کۆمپانیای عەقاراتی موڵکی وڵات بە موڵک نیوزی ڕاگەیاند، نرخی موڵکە بازرگانییەکان پەیوەستن بەو کرێ و داهاتەی هەیانە و هەتا کرێکەیان زیاتر بێت نرخیان گرانترە.
وتیشی، "شەقامی سالمی سلێمانی قەرەباڵغترین شەقامی سلێمانییە بۆیە نرخی موڵکە بازرگانییەکانی کرێیان زۆرە و نرخەکانیشیان بەرزە."