کۆمەڵەی نێوەندگیری خانووبەرە 7 کێشەی بازاری خانووبەرە لەگەڵ پارتی تاوتوێی دەکات

2024-09-05

کۆمەڵەی نێوەندگیری و ڕاوێژکاریی خانووبەرە لە ناوەڕاستی ئەم هەفتەیەدا لەگەڵ مەکتەبی ڕێکخستنی پارتی دیموکراتی کوردستان لە پارێزگای هەولێر کۆبوونەتەوە و ٧ پرسی تایبەت بە کەرتی خانووبەرەیان باس کردووە.
بەپێی ڕاگەیەندراوێکی کۆمەڵەکە، ئەو پرسانەی باس کراون بریتین لە:
1- سەبارەت بە مۆڵەتی کارکردنی دەڵاڵی.
2- وەرگرتنی پارەیەکی زۆر لە لایەن حکومەتەوە.
3- سەبارەت بە پڕۆژە تەواونەکراوەکان.
4- سەبارەت بە کوالێتیی پڕۆژەکان.
5- سەبارەت بە کارتی زەوی و کێشەی خەڵک.
6- سەبارەت بە نوێنەکردنەوەی مۆڵەتی نووسینگە بچووکەکان.
7- نەبوونی خزمەتگوزاریی ئاو و کارەبا و ڕێگاوبان لە بەشێک لە گەڕەکەکانی شاری هەولێر.