ئەمساڵ لە سعودیە ٤١ پڕۆژەی نیشتەجێبوون جێبەجێ دەکرێن
2024-09-14
سندوقی گەشەپێدانی خانووبەرەی سعودییە ئاشکرای کردووە، پاڵپشتیی ٣٨ کۆمپانیا دەکات، کە لە کەرتی گەشەپێدانی خانووبەرە و دارایی کار دەکەن بۆ دامەزراندنی ٤١ پڕۆژەی نیشتەجێبوون لە ناوچە جیاوازەکانی شانشینی سعودییە لە ماوەی ئەمساڵدا.
مەنسور بن مادی، بەڕێوەبەری جێبەجێکاری سندووقی خانووبەرە ڕایگەیاندووە، بەرنامەکە وای کردووە گەشەپێدەرانی خانووبەرە بتوانن پارەی پێویست بەدەست بهێنن بۆ جێبەجێکردنی سێ هەزار و ٧٤٩ یەکەی نیشتەجێبوون لە ٤١ پڕۆژەدا، ئەوەش بە ئامانجی بەرزکردنەوەی دابینکردنی خانووبەرە؛ بە مەبەستی گەیشتن بە ئامانجەکانی بەرنامەی نیشتەجێبوون، کە یەکێکە لە بەرنامەکانی دیدگای سعودییە ٢٠٣٠.
