بۆ دروستکردنی خانوو ٣٠ ملیۆن دینار بە کەسوکاری شەهیدان دەدرێت

2024-09-24

سەرۆکی دەزگای کاروباری شەهیدانی حکومەتی عێراق ڕایدەگەیەنێت، هەر خێزانێکی شەهید دوای ئەوەی زەوییەکیان پێدراوە دەتوانن داوای ٣٠ ملیۆن دینار بکەن بۆ دروستکردنی خانوو.
عەبدولئالا نائیلی، سەرۆکی دەزگاکە بە ئاژانسی هەواڵی عێراقی ڕاگەیاندووە، یاساکە شەهیدانی ڕژێمی پێشوو ناگرێتەوە.
بەپێی بەدواداچوونەکانی موڵک نیوز، ئەو یاسایە هەرێمی کوردستان ناگرێتەوە و تەنها شەهیدانی سنووری حکومڕانیی حکومەتی عێراقی دەگرێتەوە.
پێشتر کەسوکاری شەهیدان لە عێراق زەوییان بەسەردا دابەش کرابوو.