بڕیاری زیادکردنی باجی گواستنەوەی خاوەندارێتیی خانووبەرە ڕاگیرا

2024-10-13

سەرۆکوەزیرانی عێراق بڕیاری زیادکردنی باجی گواستنەوەی خاوەندارێتیی خانووبەرەی ڕاگرت و ڕایگەیاندووە، ئەو بڕیارە زیاتر تاکەکەسییە.
پێشتر وا بڵاوکرایەوە باجی گواستنەوەی خاوەندارێتیی خانووبەرە لەنێوان ٤٠٪ بۆ ٦٠٪ زیادی کردووە، کە دەنگدانەوەی زۆری لێ کەوتەوە و باسی ئەوە دەکرا کاریگەریی خراپی لەسەر بازاڕی خانووبەرە دەبێت.
نووسینگەی محەمەد شیاع سوودانی، سەرۆکوەزیرانی عێراق لە ڕاگەیەندراوێکدا دەڵێت، بە ڕێنماییەک سەرۆکوەزیران زیادکردنی ئەو ڕسووماتەی ڕاگرتووە.
ئاماژە بەوەش دراوە، بڕیارەکە بە شێوەی تاکەکەسیی لە لایەن بەڕێوەبەری گشتیی باجەوە بڵاوکراوەتەوە و پێچەوانی یاسا و ڕێنماییەکانی تایبەت بە باجە.