لە هۆنگ کۆنگ ژیانکردن لەو شوقانەدا قەدەغە دەکرێت کە ڕووبەرەکەیان تا هەشت مەترە

2024-10-17

حکومەتی هۆنگ کۆنگ بە بڕیارێکی نوێ ژیانکردنی لەو شوقانەدا قەدەغە کرد، کە ڕووبەرەکەیان تا هەشت مەترە.
بەپێی زانیاریی حکومەتی ئەو وڵاتە، ٣٠٪ـی شوقەکانی هۆنگ کۆنگ ستانداردەکانی ژیانکردنیان تێدا نییە و بێ پەنجەرەن.
هەرچەندە بڕیارەکە بۆ هاووڵاتییانی هۆنگ کۆنگ جێی خۆشحاڵییە، بەڵام بەشێکیان بۆ میدیاکانی وڵاتەکەیان قسەیان کردووە و ڕایانگەیاندووە، ترسی ئەوەیان هەیە بەهۆی ئەو بڕیارەوە کرێی شوقە بە ڕێژەیەکی بەرچاو بەرز ببێتەوە.