لیژنە بۆ چارەسەرکردنی زیاتر لە 300 گرێبەستی فلۆریا سیتی پێکدەهێندرێت

2024-11-11

ئەمڕۆ دووشەممە ژمارەیەک لەو هاووڵاتییانەی تا ئێستا لە پڕۆژەی فلۆریا سیتی گرێبەستەکانیان بۆ نوێ نەکراوەتەوە گردبوونەوە و داوای چارەسەرکردنی کێشەکەیان کرد و ڕاشیانگەیاند، کە ترسیان هەیە لەوەی بە مافەکانی خۆیان نەگەنەوە.
ئەوان وتیان، ژمارەیان ٣٢٢ کەسە، ٣٠٠ گرێبەستیان هی شوقەیە و ٢٢ شیان هی ڤێللایە.
لە بەرامبەردا نەجات باپیر، بەڕێوەبەری پڕۆژەی فلۆریا سیتی بە موڵک نیوزی ڕاگەیاند، سەرقاڵی پێکهێنانی لیژنەیەکن لەگەڵ دەستەی وەبەرهێنان تا بزانن حەقی ئەو کەسانە لای کێیە و ڕێوشوێنی پێویست بۆ چارەسەرکردنی کێشەکەیان بگیرێتەبەر.