تێچووی هەر مەترێکی شووقەی هایکۆست لە سلێمانی لە نێوان 350 بۆ 375 دۆلارە
240904094720.jpeg)
2024-11-12
موڵک نیوز لە سەرچاوەیەکی پارێزگای سلێمانییەوە زانیویەتی، لە ڕێگای لیژنەیەکی ئەندازیارییەوە، کە لەسەر داوای پارێزگاری سلێمانی پێکهێندراوە، نرخی هەر مەترێکی تێچووی شوقەی هایکۆست لەنێوان ٣٥٠ بۆ ٣٧٥ دۆلار دیاری کراوە.
لیژنەکە لەوبارەیەوە ڕاپۆرتێکی ١٠ لاپەڕەیی تەرخان کردووە و وردەکاریی تێچووی هەر مەترێکی پڕۆژە هایکۆستەکانی دیاری کردووە.
بەپێی بەدواداچوونی موڵک نیوز، لەناو شاری سلێمانی نرخی هەر مەترێکی پڕۆژە هایکۆستەکان لەنێوان ٨٠٠ بۆ ١٣٠٠ دۆلاردا دەفرۆشرێت، لەکاتێکدا ڕاپۆرتەکە نرخی هەر مەترێکی فوول کوالێتی و هایکۆستی لەنێوان ٣٥٠ بۆ ٣٧٠ دۆلار دیاری کردووە کە بڕی تێچووەکەیەتی.
موڵک نیوز زانیویەتی ئەو ڕاپۆرتە نەخراوەتە بەردەم ڕای گشتی تا ناڕەزایەتی دروست نەبێت کاریگەریی نەخاتە سەر بازاڕ و کڕین و فرۆشتنی پڕۆژەکانی نیشتەجێبوون لە شاری سلێمانی.
