زۆرترین خواست لەسەر ڤێللا لە هەولێرە

2024-12-01

بەپێی بەدواداچوونێکی موڵک داتا، زۆرترین خواست لەسەر ڤێللا لە هەرێمی کوردستان لە شاری هەولێرە، دوای ئەویش سلێمانی و پاشان دهۆک دێت.
بەپێی ئەو داتایانەی موڵک داتا لە دەستەی وەبەرهێنانەوە وەریگرتووە، لە شاری هەولێر زیاتر لە ١٢ هەزار ڤێللا دروستکراون، بەڵام لە سلێمانی نزیکەی چوار هەزار ڤێللا دروستکراون و لە دهۆک نزیکەی ١٥٠ ڤێللا و لە گەرمییان کەمتر لە ١٠٠ ڤێللا و لە سۆران ٣٦٢ ڤێللا و لە ڕاپەڕینیش ١٨٥ ڤێللا دروستکراون.
بەپێی داتاکەی دەستەی وەبەرهێنان بێت، خواستی ڤێللا لە شاری هەولێر لە هەموو پارێزگا و ئیدارە سەربەخۆکانی دیکە زیاترە.