کۆتایی ئەمساڵ کۆشکەکانی ئەربیل هیلز ڕادەستی کڕیارانی دەکرێت

2024-12-22

ئەحمەد یەمان، بەرێوەبەری جێبەجێكاری پرۆژەی ئەربیل هیڵز، بەموڵك نیوزی ڕاگەیاند:" پرۆژەی ئەربیل هیڵز، پرۆژەیەكی جیاواز و سەردەمییە و لەچەندین كۆشك و ڤیلا پیكهاتووە كە ژمارەیان 400 دانەیە و هەریەك خاوەن تایبەتمەندی دیزاینێكی جیاوازە و زۆنی یەكەمی پرۆژەكە لەكۆتایی ئەمساڵ ڕادەستی كڕیارەكان دەكرێت كە لە 39 كۆشك پیكهاتووە كە ڕووبەرەكانیان لە 1500 تا 5000 مەترە و نرخەكانیان لەنێوان 2500 تا 3500 دۆلار پیكهاتووە".
ئەحمەد یەمان ئاماژەشی بەوە كرد كە تەواوی پرۆژەكەیان لە 7 زۆنی جیاوازی نیشتەجێبوون و 18 شوێنی تایبەت بە یاری گۆڵف و ناوچەیەكی تەواوی جیاوازی بازرگانی پیكهاتووە كە تەواوی براندە جیهانییەكان بانگهێشتی ئەو ناوچە بازرگانییە دەكرین".
بەرێوەبەری ئەربیل هیڵز باس لەوەدەكات زۆنی دووەمی پرۆژەكەیان لە ئێستادا كاری لەسەر دەكرێت و لە 40 كۆشك پیكهاتووە كە ڕووبەرەكانیان لە 800 تا 1100 مەترە و پرۆسەی فرۆشتنی ڤیلاكانیان لە زۆنی سییەم دەستی پێكردووە كە 54 ڤیللایە". بەپێی شیكاریەكی موڵك نیوز، نرخی هەریەك لە كۆشكەكان لە پرۆژەی ئەربیل هیڵز بەهاكەیان لە 2ملیۆن دۆلارەوە دەستپیدەكات تا زیاتر لە 10 ملیۆن دۆلار".