داوای ڕاگرتنی مۆڵەتی کۆمپانیا و نووسینگەکانی خانووبەرە دەکرێت

2025-03-04

ڕابەر قاسم، سەرۆكی كۆمەڵەی نێوەندگیری و ڕاوێژكاریی خانووبەرە بە موڵك نیوزی ڕاگەیاند، داوایەكمان ئاڕاستەی قائیمقام كردووە بۆ ڕاگرتنی مۆڵەتدان بە كۆمپانیای عەقارات و نووسینگەكانی خانووبەرە، بەئامانجی ڕێكخستنەوەی كۆمپانیا و نووسینگەكانی خانووبەرە و ئیشوكارەكانیان.
 وتیشی: “كۆمپانیا و نووسینگە هەیە تەنها موافەقەیەكی هەیە و مۆڵەتی نییە، هەیە لەژێر ناوی كۆمپانیای عەقارات و نووسینگە كاری تەزویر دەكات، پارەی خەڵك دەخۆن و بەوەش كۆمپانیا و نووسینگە ڕاستەقینەكانیش لای خەڵك ناشیرین دەبن.”   بەپێی داتاكانی موڵك نیوز، تا كۆتایی ساڵی ڕابردوو لە هەرێمی كوردستان هەزارو 190 كۆمپانیای عەقارات و نۆ هەزارو 725 نووسینگەی خانووبەرە بوونیان هەبووە.