سکاڵا لەسەر بەئەلیکترۆنیکردنی تۆماری خانووبەرە کرا
2025-03-10
لە هەڵەبجە و لە لایەن پەرلەمانتارێكی پەرلەمانی كوردستانەوە سكاڵا لەسەر فەرمانگەی تەكنەلۆژیا و زانیاری تۆمار كرا، لە بەرامبەر پێدانی تۆماری خانووبەرە بە كۆمپانیا و بە ئەلیكترۆنیكردنی.
كاوە عەلی كەریم، پەرلەمانتاری یەكگرتووی ئیسلامیی كوردستان كە سكاڵاكەی تۆمار كردووە بە موڵك نیوزی ڕاگەیاند، ئەو كۆمپانیایە ئەو كارەی دراوەتێ ناوی SEWARـە و بە نایاسایی و نهێنی گرێبەستی بۆ كراوە و دیاریش نییە هی كێیە؟!
لە بەرامبەردا هیوا ئەفەندی، سەرۆكی فەرمانگەی تەكنەلۆجیا و زانیاریی حكومەتی هەرێمی كوردستان بە موڵك نیوزی ڕاگەیاند:" لە كات و ساتی خۆیدا ئەو بابەتە شی دەكەینەوە و فەرمانگەی ئێمە هیچ شتێك بێ ڕێنمایی، ڕێگەپێدان و ڕێكارە یاساییەكان ناكات."
