لە عێراق نرخی خانووبەرە ١٠٪ کەمی کردووە
2025-11-22
وەزارەتی بیناسازی و نیشتەجێکردنی عێراق بڵاوی کردووەتەوە، نرخی خانووبەرە لە عێراق ١٠٪ دابەزیوە و هۆکارەکەشی بۆ دروستکردنی ئەو شارە نوێیانەی نیشتەجێبوون گەڕاندووەتەوە، کە حکومەت پاڵپشتییان دەکات.
نەبیل سەفار، وتەبێژی وەزارەتەکە ڕایگەیاندووە، پلانی حکومەت بۆ چارەسەرکردنی قەیرانی نیشتەجێبوون چەندین ستراتیژی و چارەسەر لەخۆدەگرێت، لەنێویاندا دامەزراندنی شارە گەورەکانی نیشتەجێبوون کە هەزاران یەکەی نیشتەجێبوون دابین دەکەن.
وتوشیەتی: "تێبینیمان کردووە کە هەر کە بیناسازی لەسەر ئەو شارە نیشتەجێبوونانە دەستیپێکردووە، نرخی خانووبەرە بە ڕێژەی ١٠٪ یان زیاتر دابەزیوە."
