ڤیزەی ئاڵتونی چیە ؟
2026-01-12
شۆڕشی "ڤیزەی زێڕین" لە ساڵی ٢٠٢٥
لە ساڵی ٢٠٢٥دا، ململانێی وڵاتان بۆ ڕاکێشانی وەبەرهێنەران گەیشتە لووتکە. جیهان بوو بە دوو بەرەوە:
وڵاتانی وەک موگناتیس و وڵاتانی خاوەن یاسای توند.
🇦🇪 ئیمارات؛ پێشەنگی بێ ڕکابەر
ئیمارات توانی یۆنان و تورکیا بەجێبهێڵێت و ببێتە بەهێزترین ناوەندی وەبەرهێنان:
* نرخی خانووبەرە بە گشتی ١٢.٨٪ زیادی کرد.
* لە "دوبەی مارینا" و "داون تاون" قازانج گەیشتە نێوان ١٣.٧٪ بۆ ١٤.٢٪.
* وەبەرهێنەر هەم مافی نیشتەجێبوونی وەرگرت، هەم سەرمایەکەی زیادی کرد.
یۆنان و تورکیا؛ گۆڕینی یاساکان و ساردبوونەوەی بازاڕ
بەهۆی گۆڕانکاری لە یاساکاندا، ئەم دوو وڵاتە پاشەکشەیان کرد:
* یۆنان: نرخی کەمترین وەبەرهێنان لە ٢٥٠ هەزار یۆرۆو بۆ ٨٠٠ هەزار یۆرۆ بەرزکرایەوە، ئەمەش کڕیارانی سارد کردەوە.
* تورکیا: بەهۆی هەڵاوسانی بەرز و توندی یاساکان، کڕیارانی (عەرەب، ئێرانی، عێراقی و ڕووسی) تووشی دڵەڕاوکێ بوون و خواست دابەزی.
کێبڕکێی نوێ لە کەنداو
تەنها دوبەی نەبوو، بەڵکو وڵاتانی دیکەش هاتنە ناو یارییەکە:
* سعوودیە و عومان:
پڕۆگرامی نوێیان بۆ ڕاکێشانی بیانییەکان خستە ڕوو.
* کەنداو بووە چالاکترین شوێنی گەشەپێدانی خانووبەرە لە جیهاندا.
٢٠٢٥ بۆ وەبەرهێنەران
* ڤیزەی زێڕین تەنها پاسپۆرت نییە، بەڵکو هونەری هەڵبژاردنی وڵاتە.
* پێویستە وڵاتێک هەڵبژێریت کە بەهای پارەکەت بپارێزێت.
* ئاسانکاری و مەرجی گونجاو = بازاڕێکی گەرم و گەشەسەندوو.
دۆخی عێراق و هەرێمی کوردستان
بە بەراورد بە جیهان، بازاڕی ناوخۆیی هێشتا لە دواوەیە:
* عێراق و هەرێم هیچ پلانێکی ڕوونیان بۆ "ڤیزەی زێڕین" نییە بۆ ڕاکێشانی وەبەرهێنەری بیانی.
* بەهۆی نادڵنیایی یاسایی و دارایی، بازاڕ وەک "چەق بەستوو" دەبینرێت.
* لە دوبەی خواست لەسەر ڤێلای لوکسە، بەڵام لێرە بەهۆی نەبوونی هاندەر، پڕۆژە زۆر لوکسەکان (وەک پاڤیلۆن) کێشەی فرۆشتنیان هەیە.
* ڕاپۆرتەکانی موڵک نیوز ئاماژە بەوە دەکەن کە نەبوونی شەفافیەتی یاسایی گەورەترین بەربەستە.
موڵک نیوز
