موڵک نیوز

کۆشکە نهێنییەکانی موجتەبا خامنەیی لە لەندەن ئاشکرا دەبن

2026-02-01

ئیمپراتۆریەتە شاراوەکەی موجتەبا خامنەیی؛ لە تارانەوە بۆ شەقامی ملیاردێرەکان لە لەندەن! 

ڕاپۆرتێکی نوێی "بلومبێرگ" پەردە لەسەر لایەنە شاراوەکانی ژیانی (موجتەبا خامنەیی) لادەبات؛ کوڕی دووەمی ڕێبەری باڵای ئێران و کاندیدی بەهێز بۆ جێگرتنەوەی باوکی، کە خاوەنی تۆڕێکی دارایی ئاڵۆز و چەندین کۆشکی فاخرە لە جیهاندا.

لەندەن: نیشتمانی دووەمی سەرمایەکەی موجتەبا خامنەیی لە ڕێگەی زنجیرەیەک کۆمپانیای وەهمی (Shell Companies) لە تاران، دوبەی و ئەڵمانیا، خاوەندارێتی ئەم موڵکانە دەکات:  شەقامی ملیاردێرەکان: چەندین کۆشکی فاخر لە ناوچەی (Bishops Avenue) کە بە یەکێک لە گرانبەهاوترین شەقامەکانی لەندەن دەناسرێت. 

بەهای دارایی: تەنها لە بەریتانیا موڵکەکانی پتر لە 138 ملیۆن دۆلار دەخەمڵێندرێت. 

ژمارەی موڵکەکان: پتر لە 12 موڵکی گرانبەها لە لەندەن، کە تەنها یەکێکیان لە ساڵی 2014 بە بڕی 33.7 ملیۆن پاوەند کڕدراوە. 

ئیمپراتۆریەتێک لە ئەوروپا و دوبەی ئەم سەرمایە تەنها لە لەندەن نییە، بەڵکو بڵاوبووەتەوە بۆ: 

ئەڵمانیا: هۆتێلی ناوداری (Hilton Frankfurt Gravenbruch). 

ئیمارات: ڤێلای فاخر لە "بیڤەرلی هیڵزی دوبەی".

وڵاتانی دیکە: موڵک و هۆتێل لە پاریس، تۆرۆنتۆ و مایۆرکای ئیسپانیا. 

سەرچاوەی ئەم هەموو پارەیە لە کوێوەیە؟

بەپێی ڕاپۆرتەکان، موجتەبا خامنەیی بە هاوکاری سەرمایەدارێک بە ناوی (عەلی ئەنساری) ئەم تۆڕەی دروست کردووە لە ڕێگەی:

نەوتی قاچاخ: سەرچاوەی سەرەکی ئەم پارانە فرۆشتنی نەوتی قاچاغی ئێران بووە.

کەرتی دەریایی: دەستبەسەرداگرتنی گواستنەوەی دەریایی لە کەنداو.

بانکە نهێنییەکان: خاوەنی چەندین حیسابی بانکیی نهێنییە لە سویسرا.

لە کاتێکدا گەلی ئێران لە ژێر گەمارۆ و هەژارییەکی تونددان، بڵاوبوونەوەی ئەم زانیارییانە توڕەیی ناوخۆیی زیاتر دەکات.

هەروەها ئەگەری هەیە حکومەتی بەریتانیا بەپێی یاسای "سامانی نادیار" دەست بەسەر ئەم موڵکانەدا بگرێت. 

سەرچاوە: ڕاپۆرتی بلومبێرگ و الشرق للأخبار.