موڵک نیوز

ڕۆژنامەی وەقائیعی کوردستان بڕیاری دابەشکردنی زەوی بەسەر فەرمانبەرانی گرێبەست بڵاودەکاتەوە؛

2026-02-04

ڕۆژنامەی وەقائیعی کوردستان بڕیاری دابەشکردنی زەوی بەسەر فەرمانبەرانی گرێبەست بڵاودەکاتەوە؛
​وەزارەتی شارەوانی ئامادەکاری دەکات بۆ دابینکردنی زەوی بۆ فەرمانبەرانی گرێبەست، تاوەکو هاوشێوەی فەرمانبەرانی هەمیشەیی لە وەرگرتنی زەوی سوودمەند بن.
​سەربەست مەولود، بەرپرسی بەشی یاسایی لە وەزارەتی شارەوانی، لە لێدوانێکی تایبەتدا بۆ "موڵک نیوز" ڕایگەیاند: "حکومەت بڕیاری کۆتایی داوە کە فەرمانبەرانی گرێبەست زەوی وەربگرن. لە ئێستادا چاوەڕێی ژمارەی داهاتووی ڕۆژنامەی فەرمی (وەقائیعی کوردستان) دەکەین بۆ بڵاوکردنەوەی فەرمانەکە."
​ناوبراو ئاماژەی بەوەش کرد، کە دەستبەجێ دوای بڵاوبوونەوەی فەرمانەکە، ڕێکارە کارگێڕییەکان دەست پێدەکەن، لەوانە:
​داواکردنی داتای وردی فەرمانبەران لە وەزارەتەکان.
​دابەشکردنی فۆرمی وەرگرتنی زەوی بەسەر فەرمانبەرانی گرێبەستدا.
​ئەنجامدانی وردبینی بۆ دڵنیابوونەوە لە مەرجەکانی سوودمەندبوون.